Almeda Abazi jeton prej vitesh në Turqi me bashkëshortin e saj, Tolgahan Sayisman, me të cilin ka krijuar edhe një familje. Bukuroshja shqiptare është përpjekur që t’i mësojë aktorit turk edhe traditat e gjuhën tonë. Madje shpesh Tolgahan shkruan në gjuhën shqipe në rrjetet sociale, duke treguar se ka përparuar goxha falë ndihmës së Almedës.
Por përveçse me partnerin, ajo po punon fort që shqipen t’ja mësoj edhe djalit të saj të vogël, Efehan. Ditën e sotme ajo ka publikuar në Instagram video në të cilat shihet duke luajtur me të voglin dhe në të njëjtën kohë numëron 1,2,3 në shqip. Siç duket kjo gjë nuk i ka pëlqyer në ndjekëseje turke të Almedës, e cila është shprehur e pakënaqur për këtë fakt.
Ndjekësja në fjalë shprehet se Almeda po përpiqet t’i mësojë diçka të huaj me forcë të birit dhe sipas saj nuk duhet ta bëjë këtë gjë. Aktorja nuk ia ka përtuar përgjigjen duke i dhënë disa informacione me vlerë fanses.
“Sa për informacion, fëmija im ka dy pasaporta, atë turke dhe shqiptare! Nëna e tij është shqiptare! Unë jam shqiptare dhe sigurisht që do i mësojë edhe gjuhën time amtare”, i është përgjigjur publikisht Abazi.
Ndërkohë kujtojmë se aktorja është shtatzënë për herë të dytë dhe ende nuk dihet gjinia e fëmijës që po pret.
