Që kur Rusia filloi një “operacion special ushtarak” kundër Ukrainës, tregu i kripto-ve ra ndjeshëm dhe duket se Rusia do ta shfrytëzojë këtë.
Tashmë, përveç ndikimeve të tjera, lufta Rusi-Ukrainë ka ndikuar shumë edhe në tregun e kriptomonedhave, ku kapitali global i tregut të kriptove ra në plot 1.57 trilion dollarë, duke humbur pothuajse 9.66 për qind në 24 orët e fundit. Kështu, dyshohet se Rusia mund të përdorë kriptomonedhën për të zbutur ndikimin e sanksioneve të vendosura nga vendet e tjera duke anashkaluar pikat e kontrollit. Ajo gjithashtu dyshohet se mund të bëjë një marrëveshje me këdo globalisht që punon me ta nëpërmjet monedhave dixhitale, sipas disa raportimeve të “Business Today”.
Në tregun e kriptomonedhave, çmimi i Bitcoin (BTC) u ul me 8.12 për qind në 24 orët e fundit, ndërsa tregtohej me 35,082.66 dollarë në orën 17:00 IST. Dominimi i saj në tregun e kriptove është aktualisht në 42.42 për qind, me 0.73 për qind në 24 orët e fundit, sipas “Coinmarketcap”
Ethereum (ETH) tregtohej me 2,350,25 dollarë, me një rënie prej 13,28 për qind në 24 orët e fundit, ndërsa Binance Coin (BNB) u zvarrit me 12,34 për qind gjatë së njëjtës periudhë dhe po tregtohej me 332,97 dollarë. Solana (SOL) ra me 10,44 për qind në 80,43 dollarë dhe Cardano (ADA) ra me 18,49 për qind në 0,7544 dollarë
