Jeta e vogëlushes 2-muajshe Reanta Balliu varet nga 26 mijë euro dhe nga ndihma që mund të japë secili prej nesh. Transplanti është e vetmja mënyrë për t’i dhënë mundësinë që të jetojë si çdo fëmijë tjetër Reantës së vogël. Prindërit Taulant dhe Mbaresa Balliu bënë publike situatën në të cilën ndodhet vogëlushja në “News 24”, duke u bërë apel çdo qytetari që të kontribuojë sipas mundësive.
Reanta sot po lufton për jetën në një inkubator në reanimacionin e Spitalit Pediatrik në QSUT-të. Gjendja e saj është tepër alarmante dhe rëndohet nga minuti në minutë, ndërsa deri tani janë mbledhur vetëm gjysma e shumës së nevojshëm për transplantim.
Situata është emergjente, pasi vajza e tyre ka nevojë për transplant sa më parë. Foshnja qëndron prej tre ditësh në spital, ku merr gjak dhe oksigjen për të qëndruar në jetë. “Falënderoj të gjithë shqiptarët që kanë kontribuar deri tani, kemi shpresë se do arrihet shuma e nevojshme për transplantin”, tha Mbaresa Balliu.
Por historia e dhimbshme e familjes Balliu nis nga shtatzënia e Mbaresës: “Reanta është diagnostikuar me këtë problem që në muajin e 6-të të shtatzënisë. Në fillim ishim në Krujë, më pas jemi transferuar në Tiranë, ajo lindi 2 kg e 550 gram përmes lindjes cezariane në javën e 34 të shtatzënisë. Pas lindjes, vajza iu nënshtrua një ndërhyrje kirurgjikale duke i hequr 70% të zorrës së hollë. Operacioni shkoi mirë, por prindërit nuk na dhanë shumë shpresa se do të jetojë”.
“Do ju lutesha me gjithë zemër gjithë qytetarëve, mendoni si mendoni si për fëmijën tuaj, pasi një shumë sado e vogël do ishte shumë për ne”, bën thirrje babai i Reantës.
Të gjithë mund të solidarizohemi për të ndihmuar tani familjen Balliu. Kontaktoi me e babain e foshnjës, Taulant Balliu në numrin 069 3196553 ose kontribuoni në numrat e llogarisë:
Credins Bank:
EURO- Al 62 2121 1322 – 0000000000883096
USD- Al 08 2121 1322- 0000000000883098
Raiffaisen bank:
Mbaresa Balliu- Al: 40202130080000000030614439
Tel. 0699151933
Burimi: News24
