Dhuna në një familje shqiptare tërheq sërish vëmendjen e medias greke. Sipas “Zougla.gr”, një 35-vjeçar shqiptar u arrestua nga policia pasi ushtroi dhunë ndaj bashkëshortes.
Incidentin brenda familjes e njoftoi vajza e çiftit, e cila kur pa nënën të dhunohej nga i ati, doli në ballkon dhe kërkoi ndihmë.
“Ndihmë, babai po rreh mamin!”, mësohet të ketë thënë vogëlushja.
Fqinjët njoftuan menjëherë policinë, që për të hyrë brenda apartamentit shkelmuan derën. Ata bënë të mundur shpëtimin e bashkëshortes dhe i vunë prangat 35-vjeçarit.
Identiteti i shqiptarit nuk bëhet publik.
