Supermodelja e njohur Kate Moss duket se nuk ka marrëdhënien më të mirë me motrën e saj të vogël, Lottie. Gjysmë-motra 25-vjeçare e top-modeles flet shpesh për të dhe marrëdhënien e tyre ndër vite në intervista, por Kate Moss nuk i miraton deklaratat e saj.
Së fundmi ajo ka thënë për revistën “Fabulous” se po, motra e ka ndihmuar të hidhte hapat e parë në modeling, por asnjëherë nuk ka qenë e afërt me të.
Sipas një raporti të “Mirror”, Kate është shumë e shqetësuar nga sjellja e motrës së saj.
“Kate e sheh të gjithë këtë shumë shqetësuese. Ajo thjesht do të preferonte të mos kishte kontakte me të”, thotë një burim pranë saj.
Duket se ajo që e ka mërzitur yllin ka qenë deklarata e Lottie Moss për faktin se motra e saj nuk dëshiron të ketë lidhje me të, pasi ajo e ka portretizuar si “djallin” mes tyre.
Konkretisht, më herët Lottie Moss kishte deklaruar:
“Motra ime padyshim që ka luftuar me problemet e veta. Ajo lejohet ta bëjë këtë. Ajo nuk ka pse të mos dojë të kontaktojë me mua. Kur isha më e re nuk e kuptoja dot. Po mendoja “pse askush në familjen time nuk dëshiron të flasë me mua? Nuk e kuptoj”. Por tani kam mësuar se familja është e ndërlikuar. Vetëm për shkak se është një modele me të vërtetë e njohur, nuk do të thotë se është ndryshe nga ne. Është familje. Ne thjesht nuk i kuptojmë shumë gjëra. Unë e dua atë. Ajo është motra ime, por nuk jemi të afërta”
