Ndodh që ndihemi të ezauruar nga lodhja e përditshme dhe ngarkesa emocionale. Në të tilla raste gjeni ngushëllim te ushqimi natyral, pasi vetëm ai mund t’jua jap dozën e nevojshme të energjisë.
Katër zgjidhjet magjike:
Kujdes vaktin e darkës
Një darkë kalorike dhe e pasur në yndyra dhe karbohidrate do të ngarkojë organizmin me tretjen dhe përthithjen më shumë seç duhet dhe nuk i jep mundësinë atij të harxhojë energji për rikuperim dhe rigjenerim. Darka ideale do të ishte një copë e bollshme peshk ton mbi një shtrat spinaqi të freskët dhe 1 fetë bukë thekre.
Kur gjumi nuk ka orar
Arrat dhe qershitë e tharta (edhe të thara), janë të pasura me metatoninë, hormone që rregullon dhe përmirëson shumë gjumin tonë.
Ndjehesh e lodhur për të shkuar në palestër?
Etja është shpesh një arsye e fshehur e lodhjes. Mungesa e ujit mund të stimulojë nivele të ulëta të energjisë dhe plogështi. Pini ujë dhe çaj bimor (pa sheqer), gjatë gjithë ditës. Mbani gjithmonë një shishe ujë pranë jush në mënyrë që të mos “harroni” të pini ujë. Edhe ushqime të pasura në ujë si, shalqiri, kastraveci, sallata jeshile ndihmojnë të qëndroni të hidratuar.
Kur keni udhëtim për të bërë
Një filxhan kafe është i domosdoshëm. Është vërtetuar se kafeina parandalon përgjumjen kur jemi në timon. Por kujdes; personat që kanë ndjeshmëri të lartë ndaj kafeinës duhet ta evitojnë atë në orët e vona të ditës pasi mund t’ju çrregullojë gjumin.
