Aktori i njohur shqiptar, Andi Begolli, ka kurorëzuar dashurinë e tij në martesë me partneren prej vitesh Stelën.
Lajmin e bukur e ka dhënë miku i tij i ngushtë, aktori i njohur i “Duplex”-it, Visjan Ukcenaj.
Ky i fundit madje ka luajtur rolin e kryebashkiakut Erion Veliaj në kurorëzimin e dashurisë së çiftit.
Në një postim në Instagram, Visjani shprehet: “Ndihem Lali Er, duke martuar shokun tim të ngushtë”.
Ceremonia është mbajtur në natyrë, ndërsa dhëndri shfaqet i veshur mjaft elegant me një kostum të zi dhe kollare.
Nusja shihet vetëm nga pjesa e pasme dhe në sy na bie fustani saten ngjyrë kremi dhe një vello e hedhur në kokë.
