Aktorja gjermane Karin Dor, e cila ka interpretuar rolin e një vrasëseje të dërguar për James Bond në filmin “You Only Live Twice”, ka ndërruar jetë në moshën 79-vjeçare.
Lajmin e dha djali i saj për gazetën “Bild”. Aktorja mësohet se ishte rrëzuar përpara një viti dhe nuk u rikuperua nga dëmtimet e pësuara.
Dor e nisi karrierën që në moshën 17-vjeçare dhe interpretoi në dhjetëra filma dhe pjesë teatrale.
Roli që e bëri të famshme ishte ai në filmin Bond të vitit 1967, ku interpretoi vrasësen Helga Brandt, e dërguar për të vrarë agjentin 007, i luajtur nga Sean Connery. Kur dështoi në misionin e saj, bosi i keq Mr. Osato e hodhi në një pishinë me piranja, që e hanë të gjallë.
Karin Dor është e vetmja aktore gjermane që ka fituar rol si një “vajzë Bond”.
Kujtojmë se në maj të këtij viti ndërroi jetë në moshën 89-vjeçare edhe legjenda e kinematografisë, Sir Roger Moore. Ai ishte aktori i parë i filmave “James Bond”.
Burimi: Daily Mail
