Garry Marshall, regjizori i filmit romantik “Pretty Woman”, ka ndërruar jetë ditën e martë në Burbank të Kalifornisë, pas disa komplikacioneve shëndetësore të shkaktuara nga pneumonia.
Garry e nisi karrierën e tij si skenarist, për t’u hedhur më pas tek realizimi i disa serialeve të viteve 1970, që do ta bënin të suksesshëm dhe do t’i siguronin projekte akoma më ambicioze, si “Pretty Woman” dhe “The Princess Diaries”.
Menjëherë pas vdekjes së tij kanë reaguar aktorët Richard Gere dhe Julia Roberts, protagonistë të filmit “Pretty Woman”.
“Garry ishte një njeri i jashtëzakonshëm dhe ndihem i bekuar që e kam njohur dhe kam punuar me të në karrierën time”, shkruan Richard Gere.
“Pretty Woman” grumbulloi 463 milionë dollarë në mbarë botën, një shifër rekord për ato vite dhe Roberts u nominua për “Oscar” si aktorja më e mirë, ndërsa vetë filmi për “Golden Globe”.
