Presidenti i Parlamentit Evropian David Sassoli ka ndërruar jetë mëngjesin e sotëm në orën 01:15, në moshën 65-vjeçare, për shkak të një komplikacioni të rëndë të sistemit imunitar.
Ai ishte i shtruar që prej 26 dhjetorit të kaluar në qendrën onkologjike të Aviano-s, në provincën e Pordenones.
Zëdhënësi i tij, Roberto Cuillo,ka dhënë lajmin për vdekjen e tij.
Dhjetorin e kaluar Sassoli njoftoi se nuk do të riaplikonte për drejtimin e Parlamentit Evropian.
Gazetari, prezantues televiziv, zëvendësdrejtor i Tg1, Sassoli hyri në politikë si anëtar i Partisë Demokratike në vitin 2009.
Me të dëgjuar lajmin e shtrimit në spital, të hënën e 10 janarit, i gjithë harku parlamentar, nga përfaqësues të institucioneve, kolegë partiakë dhe miq në Europë i uruan atij shërim sa më të shpejtë.
Presidentja e Komisionit Evropian Ursula von der Leyen tha se:
“Jam thellësisht e pikëlluar nga vdekja e një evropiani dhe italiani të madh. David Sassoli ishte një gazetar i pasionuar, një President i jashtëzakonshëm i Parlamentit Europian dhe mbi të gjitha një mik i dashur. U prehsh në paqe i dashur David”, shtoi ajo në Twitter.
Mesazhi i fundit publik i Sassolit ishte i shkruajtur pikërisht ditën e djeshme, kur ai donte të shprehte “ngushëllimet” për vdekjen e Silvia Tortora, e cila është nëndrejtoreshë e Tg La7.
