Ditën e sotme në spitalin “Shefqet Ndroqi” ka ndërruar jetë një 82-vjeçar.
Në media u tha se i moshuari ndërroi jetë për shkak të koronavirusit, por në deklaratën e Ministrisë së Shëndetësisë bëhet me dije se nuk ka qenë kjo arsyeja.
Në deklaratën e tyre ata thonë se 82-vjeçari ishte dërguar me urgjencë nga Shkodra drejt spitalit “Shefqet Ndroqi” dhe sot ndërroi jetë si pasojë e tromboembolisë pulmonare.
Ndonëse ishte i infektuar me koronavirus, 82-vjeçari mësohet se ishte asimptomatik!
Ministria e Shëndetit:
Pacienti që ka ndërruar jetë në spitalin universitar “Shefqet Ndroqi” 82-vjeç nga Shkodra, ka humbur jetën si pasojë e tromboembolisë pulmonare, trombozë e venës porta, trombozë e venës renale dhe absesi subdiafragmal.
I moshuari është sjellë në gjendje të rëndë nga spitali i Shkodrës dy ditë më parë dhe ishte pa shenja të COVID-19.
Referuar spitalit “Shefqet Ndroqi”, pacienti nuk ka ndërruar jetë si pasojë e COVID-19, pasi ishte asimptomatik për këtë sëmundje, por si pasojë tromboembolisë pulmonare.
Ministria e Shëndetësisë informon se do të mbajë të informuar publikun për çdo zhvillim, ndaj lutemi t’i referoheni njoftimeve zyrtare.
Kujtojmë se ditën e sotme në vendin tonë u shënua viktima e 25-të nga COVID-19. Bëhet fjalë për një 90-vjeçar, i cili prej 11 ditësh ndodhej në Spitalin Infektiv.
Ndërkohë në 24 orët e fundit janë regjistruar 19 raste të reja me koronavirus. Kurba vazhdon të ketë ulje-ngritje të vazhdueshme.
