Një i moshuar i infektuar me COVID-19, ka ndërruar jetë mbrëmjen e sotme në Spitalin Infektiv.
Ministria e Shëndetësisë bën me dije se i moshuari nga Tirana ka ndërruar jetë si pasojë e atakut kardiak nga insuficienca kardio-respiratore, por jo nga virusi.
88-vjeçari ishte bartës i COVID-19, por ishte asimptomatik për sëmundjen, pra nuk kishte simptoma dhe ky virus sipas ministrisë nuk ishte arsyeja që ndërroi jetë.
I moshuari vuante nga disa sëmundje si insuficienca renale kronike, stadi I katërt, diabet, hipertension, anemi grave.
Brenda 24 orëve të fundit është ulur ndjeshëm numri i të prekurve, pasi janë regjistruar vetëm 6 raste të reja, 4 janë shënuar në Tiranë, 1 në Durrës dhe 1 në Mat.
Kështu, numri total i të infektuarve në Shqipëri ka shkuar në 1143 me vetëm 233 persona aktivë.
/Iconstyle.al
