Eddie Jaku, një i mbijetuar i Holokaustit i cili e përshkroi veten si “njeriu më i lumtur në tokë” ka ndërruar jetë në moshën 101 -vjeçare.
Gjatë Luftës së Dytë Botërore, ai u burgos në katër kampe përqendrimi, udhëhoqi një arratisje të guximshme në një tren, u çlirua nga një marshim vdekjeje dhe mbijetoi në një pyll.
Jaku i kushtoi pjesën tjetër të jetës duke mbrojtur paqen dhe mirësinë.
“Unë nuk urrej askënd. Urrejtja është një sëmundje që mund të shkatërrojë armikun tuaj, por gjithashtu do t’ju shkatërrojë ju,” ka thënë ai.
Vitin e kaluar, për të festuar 100 vjetorin e lindjes, Jaku publikoi kujtimet e tij.
I titulluar “Njeriu më i lumtur në Tokë”, ai tregon historinë e tij të jashtëzakonshme të mbijetesës, duke gërshetuar në mesazhet e tij të tolerancës dhe faljes.
“Unë kam jetuar për një shekull dhe e di se çfarë është të shikosh të keqen, “shkroi ai.
“Unë kam parë më të keqen në njerëzim, tmerret e kampeve të vdekjes, përpjekjet naziste për të shfarosur jetën time dhe jetën e të gjithë njerëzve.
Por tani e konsideroj veten njeriun më të lumtur në tokë.”
Jaku vdiq në një azil në Sidnei; ai kishte jetuar në Australi që në vitin 1950. Ai ka lënë gruan e tij 75 vjeçare, Floren, djemtë e tyre Michael dhe Andre, katër nipër e mbesa dhe pesë stërnipër e mbesa.
Kryeministri australian Scott Morrison e përshkroi Jaku-n si “një frymëzim dhe një gëzim” i cili “zgjodhi ta bënte jetën e tij një dëshmi se si shpresa dhe dashuria mund të triumfojnë mbi dëshpërimin dhe urrejtjen”.
