Këngëtari i famshëm francez Charles Aznavour i njohur më së shumti për hitin e tij “She” ka ndërruar jetë në moshën 94 – vjeçare. Ai sapo ishte kthyer nga një turne koncertesh në Japoni muajin e kaluar, vdiq në shtëpinë e tij në Alpilles në Francën juglindore.
Aznavour, i lindur në Paris me prejardhje armene, shiti më shumë se 100 milionë këngë në 80 vende të botës. Ai njihej ndryshe si Frank Sinatra i Francës.
Aznavour e filloi karrierën e tij duke u shitur muzikën e tij artistëve francezë të viteve 1940 dhe 1950 si Edith Piaf, Maurice Chevalier dhe Charles Trenet. Me kalimin e viteve ai u bë një nga këngëtarët më të mëdhenj të shekullit të 20-të.
Ai u nderua me një yll në Hollywood “Walk of Fame” në 2017.
Aznavour u martua tri herë dhe ka gjashtë fëmijë.
