Ikona e muzikës shqiptare, Nexhimje Pagarusha, është ndarë nga jeta në moshën 86-vjeçare.
Artistja e madhe la një hidhërim të madh tek të afërmit dhe adhuruesit e muzikës së saj.
Kolegë e familjarë kanë shprehur ngushëllimet e tyre për bilbilin e muzikës shqiptare, e cila ka lënë gjurmë të përjetshme me talentin e saj.
Për ndarjen e saj nga jeta, kanë shkruar edhe mediat serbe, të cilat e quajnë Nexhmijen një gjigande të muzikës shqiptare.
Gazeta “B92” e nis kështu shkrimin: “Ndërron jetë gjigandja e muzikës shqiptare”.
E më pas shkrimi vijon duke cilësuar Nexhmije Pagarushën, si një ndër krijueset e muzikës që kurrë nuk pranoi të këndojnë një material muzikor që nuk kishte asnjë vlerë kulturore, veçanërisht në traditën e muzikës popullore shqiptare.
Një tjetër gazetë e quan divë të muzikës popullore shqiptare.
