Reperi Fetty Wap ka humbuar para pak ditësh vajzën e tij, Lauren Maxwell. Ishte nëna e saj e cila e konfirmoi se vogëlushja ndërroi jetë në moshën 4-vjeçare.
Gjatë një videoje live, reperi ju kërkoi fansave të tij që t’i dërgonin sa më shumë flutura, sepse vogëlushja e ndjerë i kishte shumë qejf.
“A mund të më bëni një nder? Postoni të gjithë flutura. Të gjithë flutura. Ajo i dashuronte fluturat. Nëse ju mund ta bëni këtë gë, do të thotë shumë për mua”, u shpreh Fetty Wap.
Lajmin për ndarjen nga jeta të Lauren e konfirmoi nëna e saj, Turquoise Miami, me një postim prekës.
“Kjo është princesha ime sirenë e mrekullueshme, e bukur, e dashur, e talentuar, e zgjuar dhe e dëgjuar. Nëse e shikoni këtë postim lini një koment ose thoni me vete ‘Të dua Lauren’ , sepse thonë se shpirtrat mund ta ndjejnë dashurinë tuaj”, shkroi nëna e saj.
Së fundmi, është bërë i ditur shkaku i vdekjes së vajzës së reperit. Vogëlushja e ndjerë ndërroi jetë si pasojë e një aritmi kardiake fatale për shkak të komplikimeve të një anomalie kardiake që e kishte që nga lindja.
Disa ditë më parë, reperi i dedikoi performancën e tij në Rolling Loud të bijës.
“Lolo babi e bëri këtë gjë për ty vogëlushe mbrëmjen e shkuar”, shkroi ai në Instagram një ditë pas performancës.
Reperi është edhe baba i Aydin 10 vjeç, Zaviera 6 vjeç, Khari 5 vjeç, Amani 5 vjeç dhe Zy 3 vjeç.
