Ditën e sotme janë konfirmuar 9 raste të reja të infektuara me Koronavirus në Shqipëri, duke e çuar në 51 numrin e tyre.
Disa ditë më parë u shënua edhe viktima e parë në qytetin e Durrësit, ndërsa shifrat e të prekurve dhe jetëve të humbura po rriten frikshëm në vendet e tjera.
Për shkak të kësaj situate, dy kompanitë e fluturimit, “Air Albania” dhe “Austria Airlines” kanë ndërprerë fluturimet e tyre.
Njoftimi i “Air Albania”
“Në vijim të situatës së krijuar për shkak të përhapjes së koronavirusit (COVID-19), Air Albania ka njoftuar se fluturimet e darkës, ZB1003 dhe ZB1004 për Stamboll do të ndërpriten duke filluar nga data 18 Mars 2020 deri më 30 Mars 2020. Fluturimet e mëngjesit ZB1001 dhe ZB1002 do të operojnë normalisht sipas orareve të përcaktuara. Për veprime të mëtejshme, ju lutemi pasagjerëve të kontaktojnë kompaninë ajrore apo agjencitë e udhëtimit.”
Njoftimi i “Austria Airlines”
“Nga data 19 Mars 2020, ndërpriten fluturimet me Austrian Airlines. Në vijim të situatës së krijuar për shkak të përhapjes së koronavirusit (COVID-19), Austrian Airlines ka njoftuar se duke filluar nga data 19 Mars 2020 do të ndërpresë të gjitha fluturimet deri në një njoftim të dytë. Për veprime të mëtejshme, ju lutemi pasagjerëve të kontaktojnë kompaninë ajrore apo agjencitë e udhëtimit”
