Presidenti i sapozgjedhur i SHBA-së, Donald Trump përmes një postimi të publikuar në llogarinë e tij në platformën “Truth Social” kërkoi të shpëtohet TikTok. Ky reagim i Trump vjen pasi qasja e TikTok në SHBA u ndërpre për përdoruesit të shtunën.
Ligji përkatës zbatohet nga dita e sotme, e diel, duke ndërprerë aksesin në platformën e përmendur të rrjeteve sociale për SHBA-në. Trump ka thënë më parë se ka “shumë gjasa” të pezullojë ndalimin e TikTok për 90 ditë pas marrjes së detyrës të hënën.
“Save TikTok”, shkruan Trump.
Trump përshëndeti në një tjetër postim lirimin e pritshëm të tre pengjeve izraelitë nga Hamasi. Hamasi njoftoi se tre pengjet e para që do të lirohen sot në orën 16:00 janë 24-vjeçarja Romy Gonen, 28-vjeçarja Emily Damari dhe 31-vjeçari Doron Steinbrecher.
