Ai u nda nga nëna e fëmijës së tij, Khloe Kardashian pasi u akuzua se flirtoi me Jordyn Woods. Por jeta vazhdon për Tristan Thompson!
Basketbollisti duket se e ka hedhur pas krahëve të gjithë këtë histori, pasi është dalluar duke darkuar me një brune misterioze, mbrëmjen e së mërkurës.
27-vjeçari, i cili tradhtoi disa herë Khloe-n përfshirë edhe skandalin kur ajo ishte shtatzënë, u fotografua duke hyrë në një restorant italian në Nju-Jork.
Ai vendosi kapuçin në kokë për të mos u dalluar, ndërsa vajza e panjohur kishte veshur streçe me printe leopardi, xhaketë lëkure dhe çizme me takë.
Një burim tha se, Tristan nuk dukej aspak i shqetësuar kur hyri brenda restorantit, ku shoqërohej dhe me basketbollistin Jordan Clarkson.
“Ai erdhi bashkë me kolegun vetëm 5 minuta pasi një modele brune u shfaq jashtë restorantit. Ajo priti me durim jashtë, para se Tristan të arrinte dhe të futej brenda bashkë me të ku pinë verë dhe hëngrën makarona për 4 orë. Modelja doli e para dhe u largua e vetme. Tristan u largua 3 minuta më vonë”, tha burimi.
Rreth dy javë më parë u zbulua që Tristan dhe Jordyn flirtuan gjatë një feste dhe u puthën.
Burimi: Daily Mail
