Këngëtarja shqiptare Elvana Gjata e ka marrë shumë seriozisht angazhimin e saj me muzikën. Pas largimit për në Shtetet e Bashkuara, ajo ka nisur përgatitjet për debutimin në tregun botëror të muzikës dhe për të bërë këtë gjë po ndjek rrugën e njerëzve të duhur.
Bukuroshja shqiptare darkoi mbrëmë me një grup të madh artistësh mes të cilëve, producentin amerikan të muzikës elektronic dance, Skrillex, i njohur për hitet që ka prodhuar me Justin Bieber.
I pranishëm ishte edhe Poo Bear me të cilin Elvana po bashkëpunon muajt e fundit. Së bashku me grupin ishte edhe menaxheri i saj Andy Gramm i cili ka marrë përsipër t’i shtojë listës së artistëve të famshëm shqiptarë një tjetër emër, atë të Elvanës.
