Zyrtarisht dje 33-vjeçarja Khloe Kardashian u bë nënë për herë të parë, pasi solli në jetë vajzën me partnerin 27-vjeçar Tristan Thompson. Por ndërsa kjo duhet të ishte një periudhë e lumtur për çiftin e famshëm, e vërteta është se ka qenë mjaft stresuese dhe e trishtë, pasi u zbuluan tradhtitë e basketbollistit.
Fotot dhe videot e publikuara në fillim të kësaj jave, tregojnë Tristan duke u puthur me disa femra. Pavarësisht dramës, Khloe ka vendosur vetë se çfarë do të bëjë dhe mesa duket ajo do të bëjë një gjë me siguri: ajo nuk do që ta largojë plotësisht Tristan nga jeta e saj.
Pasi e poshtëroi, Khloe mendoi fillimisht t’i thoshte lamtumirë, por në të njëjtën kohë, ajo nuk dëshiron që fëmija të rritet pa baba.
“Ajo e di se si është të jetosh pa prezencën e një babai dhe ajo nuk do të donte që kjo t’i ndodhte vajzës së saj. Por të vazhdojë të jetë e dashura e tij, është diçka që me të vërtetë duhet ta mendojë mirë”, tha një burim i afërt me Khloe për “HollywoodLife.com”.
Me sa duket, Khloe nuk mund ta imagjinojë të ketë intimitet me njeriun, që më parë e quante “dashuria e jetës së saj”.
“Dje, ajo ishte e dashuruar me babanë e fëmijës së saj dhe priste që ta kalonin bashkë të ardhmen, por sot ajo e di se personi që mendonte se ishte dashuria e jetës së saj ka fjetur me disa femra. I duhet pak kohë për të kuptuar saktësisht se çfarë do të bëjë më pas”, tha burimi.
Ndërsa lidhja e tyre nuk dihet sesi do të vazhdojë, një gjë është e sigurt, lumturia që ndjen Khloe e të bërit nënë.
“Ndjenjat e saj janë të përqendruara te fëmija, ndërsa gjërat e tjera do të rregullohen me kalimin e kohës”, shton burimi.
Khloe lindi më 12 prill në Cleveland, Ohio dhe pranë saj kishte nënën Kris Jenner dhe motrat Kim dhe Kourtney Kardashian. Tristan thuhet gjithashtu se ishte në spital gjatë lindjes së fëmijës.
Burimi: HollywoodLife.com
