U përfol gjatë që buja e madhe që bëri ndarja e Gerard Pique-s me Shakirën, më pas gjyqi për kujdestarinë e fëmijëve kishin ndikuar për keq tek marrëdhënia e ish-futbollistit me të dashurën Clara Chia Marti-n.
Mirëpo në gjithë këtë së fundmi Pique dhe Clara kanë shijuar disa pushime në Pragë.
Nga fotot e bëra publike dyshja nuk dukeshin fare të mërzitur me njëri-tjetrin.
Ky ishte një pushim mes çiftesh pasi vëllai i Gerard-it, Marc dhe gruaja e tij Maria Valls u bashkuan gjithashtu me ta në udhëtimin festiv gjithashtu.
Sipas mediave spanjolle, u tha se Clara kishte disa arsye pse nuk ishte më rehat në marrëdhënien e saj me Pique, i cili përveç marrëdhënieve dhe çështjeve të punës, duhet të marrë pjesë dhe të shqetësohet edhe për Sashën dhe Milan, të cilët së shpejti do të largohen për të jetuar me nënën e tij, Shakirën, në Shtetet e Bashkuara të Amerikës.
Përpos kësaj u tha gjithashtu se e dashura ish-futbollistit nuk po e duronte dot ritmin apo presionin mediatik dhe ishte afër për t’i thënë lamtumirë marrëdhënies me Piqué.
Më herët, konkretisht me datë 1 dhjetor 2022, u nënshkrua më në fund marrëveshja mes Shakirës dhe Pique-s lidhur me kujdestarinë e fëmijëve. Ata hynë dhe dolën veç e veç nga gjykata pas dakordësisë mes tyre.
Daily Mail bëri me dije se ligji i jep të drejtën Pique-s të kalojë deri në 10 ditë në muaj me fëmijët e tij.
