Fero e bëri largimin nga “On Records” të dukej si diçka normale për të cilën kishin rënë dakord të dy palët.
Ai ndërpreu kontratën disavjeçare me Met Elshanin të cilin e falenderoi për bashkëpunimin që patën.
Përmes një statusi në faqen e tij zyrtare, Instagram reperi shkruante se me “On Records” ishte ndarë miqësisht, ndërsa e falenderonte kompaninë për punën e palodhshme.
“Fansa, dashamirës, miq të dashur dua t’ju lajmëroj që nga sot kemi përfunduar kontratën me kompaninë ‘On Records’ ku jemi nda miqësisht me një marrëveshje te re ku unë do të vazhdoj si një artist i pavarur . Por dhe ‘On Records’ ka të drejtën të rezervojë data për mua. Falenderoj fansat për suportin dhe kompaninë për punën e palodhur”, ishin fjalët e Feros.
Mirëpo, gjërat nuk duken kaq normale sa e përshkroi Fero. Kjo pasi reperi dhe Met Elshani nuk ndjekin njëri-tjetrin në Instagram.
Menaxheri bëri një postim disi dyshues mbrëmë duke iu drejtuar atyre që menaxhojnë artistët e ri, ku sipas tij disa prej tyre po i marrin në qafë këta të rinj, të cilët po rebelohen ndaj familjarëve.
Meti bën thirrje që të mos përfitojnë nga artistët e rinj me gënjeshtra për përfitime personale.
Nuk e dimë nëse kjo thirrje i drejtohet drejtpërdrejtë Feros, por diçka dyshojmë!
Shpresojmë të kemi një reagim sa më shpejt nga reperi!
/Gazeta Express
