Kur Jennifer Aniston shkroi një artikull në Huffington Post, pas thashethemeve për shtatzëninë, ajo nuk kishte asgjë për të humbur. Të paktën kështu tha aktorja e njohur në një intervistë për revistën “Marie Claire” që do të dalë në dhjetor 2016. Ajo është paragjykuar shumë pas divorcit me Pitt dhe faktit që ende nuk ka fëmijë.
“Statusi im martesor u turpërua; statusi im pas divorcit u turpërua, mungesa e një bashkëshorti u komentua, gjoksi im gjithashtu u komentua. Pse i shohim gratë përmes kësaj lenteje të veçantë që na ndan? Pse? Unë kam punuar aq shumë në këtë jetë, saqë nuk lejoj që karriera të hidhet poshtë duke më cilësuar si një femër të trishtuar dhe pa fëmijë”.
Aniston e di që Theroux është i duhuri, sepse ajo me të ndihet vetvetja. “Gjithçka që di është se me të ndihem e plotë e adhuruar, pa marrë parasysh se në çfarë gjendje jam”, shpjegoi ajo. “Nuk kam asgjë që më bën të ndihem e pasigurt. Dhe kjo sjell pjesën më të mirë të vetes, sepse ai më intereson shumë. Është një person i mirë. Lëndohem nëse mendoj se do t’i bëj keq atij”.
