Antigone Ramosaj, mamaja e këngëtares së “Big Brother VIP”, Beatrix Ramosaj, ka pasur shpesh akuza ndaj produksionit të formatit, si edhe i kthehet shpesh ashpër kujtdo që sulmon vajzën e saj.
Kësaj here, mamaja e këngëtares ka ripostuar një story, ku shihet një dedikim për çiftin Donald dhe Beatrix, e ku shkruhet se ajo parashutë nuk është lejuar nga produksioni.
“Ju duam fansat nga Suedia, Donald & Beatrix” ,- është shkruar në dedikim, ndërsa te story thuhet se është parashuta e dytë që ndalohet për çiftin.
Dje në shtëpinë e “Big Brother VIP” erdhi dhe një parashutë kushtuar Donaldit, që përmbante dhe datën 9 Janar, ditëlindjen e ish-partneres Bora Zemanit. Mamasë së Beatrix nuk i erdhi aspak mirë për këtë fakt.
Ajo ka postuar një video të Beatrix në llogarinë e saj të “Instagram”, ku shkruhet “Shpirti bardhë Triksa”. Videoja është montuar nga një ‘fanpage’ dhe ndërthuret me fjalët:
“Këto njerëz u bashkuan bashkë për t’u munduar të më japin fund. Por më lejoni të them, kjo gjë nuk do të ndodhë kurrë.”
Në mbishkrimin e videos, Antigone shkruan:
“-Gjithmonë falini armiqtë, asgjë s’i mërzit më shumë… Trixa dhe fansat e Trixës Ju dua”
View this post on Instagram
