Era Istrefi nuk priti dot të publikonte këngën të premten e 27 korrikut ashtu siç e kishte njoftuar, por surprizoi të gjithë fansat teksa kënga “Oh God” u publikua disa minuta më parë në kanalin zyrtar të “Ultra Music” në “Youtube”.
Në videoklip, Era shfaqet tejet sensuale buzë detit, në rolin e një sirene simpatike. Madje nuk mungojnë edhe momentet intime me këngëtarin xhamajkan Koshens, me të cilin ka bashkëpunuar për këngën.
Pa dyshim, që ky do të jetë një tjetër sukses për këngëtaren me origjinë shqiptare.
Një javë më parë, Era publikoi këngën e re me titull “Prisoner”, klipin e së cilës e kishte realizuar në Xhamajka.
