Adelina Tahiri ka sjellë në jetë fëmijën e saj të parë, një djalë, të cilin e ka pagëzuar me emrin Jon. Është vetë këngëtarja, e cila njoftoi në profilin e saj në “Instagram” ardhjen në jetë të vogëlushit më foton e adhurueshme, ku shfaqet dora e tij.
“Mirëseerdhe në botë, princi i vogël Jon” – shkruan Adelina krahas fotos.
Gjithçka është gati për të voglin e familjes. Më herët, këngëtrja e hitit “Mos u kthe” zbuloi dhomën e vogëlushit. Ajo ka zgjedhur ta dekorojë dhomën e bebit në ngjyrë të bardhë dhe në shtëpi, Jonin e presin dhjetëra dhurata nga miqtë e të afërmit e familjes.
Jon, është fëmija i parë i këngëtares Adelina Tahiri me biznesmenin maqedonas Serjozha Markov, me të cilin lidhi kurorë në fillim të këtij viti.
