Ka kaluar pak më shumë se një vit nga vdekja tragjike e Mac Miller dhe tani po përflitet për testamentin e tij!
Pasuria e reperit që shkon në shumën 11 milionë dollarë, do të ndahet mes miqve dhe familjes së tij.
Vlera neto e vlerësuar e reperit arriti në rreth 11.3 milionë dollarë sipas dokumenteve të pasurive, raporton TMZ.
Ndërsa prindërit e tij dhe vëllai i tij, Miller McCormick, do të marrin shumicën e pasurisë, miqtë e tij të ngushtë do të marrin shumë nga gjërat personale të yllit.
Para se të ndërronte jetë, Mac la një testament me udhëzime specifike për njerëzit e afërt në jetën e tij, duke përfshirë lënien e rrobave dhe pajisjeve elektronike mikut, Bryan Johnson.
Kjo do të thotë që shoku i tij do të ketë në pronësi të gjitha pajisjet teknologjike nga televizori te laptopi dhe iPad-i. Një tjetër mik, Q Chandler-Cuff, do të marrë të gjitha bizhuteritë që vlerësohen të kushtojnë “disa dhjetëra mijëra dollarë”.
Kjo ndarje i lë familjes 5 milionë dollarë që ishin të ruajtura në bankë.
