Ata ishin një ndër çiftet që bënë bujë me lidhjen e tyre, jo vetëm për faktin se të dy janë të njohur, por për faktin se marrëdhënia e tyre erdhi pas një divorci shumë të përfolur.
Pas ndarjes nga bashkëshortja Teuta me të cilën ka dhe një vajzë, Blero i ka dhënë fund marrëdhënies me modelen Afrona Dika. Në fillim ishte Afrona ajo e cila fshiu çdo foto që kishte në rrjetet sociale me këngëtarin nga Kosova.
“Prive.al” raportoi dje se Afrona erdhi në Prishtinë nga Zvicra dhe nuk u pa për asnjë çast me Bleron. Ajo vazhdoi nën shoqërinë e vëllezërve të saj, ndërsa Blero e kaloi darkën me miqtë e tij. Më pas ishte një status i Afronës, ai i cili u dha fund thashethemeve që po përfliteshin dhe konfirmoi ndarjen me këngëtarin.
“Një ditë do të zgjohedh në mëngjes dhe do të mendosh ç’ka ndodhi me vajzën që dikur ishte aty për ty pa marrë parasysh sa e largoje. Do të kujtosh të gjitha gjërat që ajo ka bërë për ty, gjithë dhimbjen në të cilën e bëre të kalojë. Do ta kuptosh sa e rëndësishme ishte ajo në jetën tënde dhe sa e mrekullueshme ishte, por kur ajo ditë të vijë, ajo do zgjohet me mashkullin të cilin tashmë e kishte njohur”, shkruan modelja.
Pas këtij reagimi të Afronës që nuk mund të mos vihej re nga mediat, Blero bëri lëvizjen e tij, duke fshirë çdo gjurmë të ish-të dashurës në rrjetet sociale. Pa dyshim që kjo është ndarja më e bujshme e vitit, pasi ndodhi papritur, pak kohë pas pushimeve romantike të çiftit në Santorini.
*Shfleto galerinë
