Katy Perry dhe Orlando Bloom kanë vendosur të ndahen pas dhjetë muajsh të lidhur.
“Jo shumë kohë pas festës së Halloween, Orlando rrëfeu se ai kishte vendosur t’i jepte fund lidhjes së tyre. Ai ka pohuar se thjesht nuk është gati të martohet dhe të bëhet sërish baba”, thotë një burim për In Touch.
Ndërkohë, burime të afërta me Katy Perry-n pretendojnë se ka qenë ajo që i ka dhënë fund lidhjes.
“Ajo tha se ata po ndiqnin rrugë të ndryshme të jetës dhe edhe pse ajo e pëlqente atë shumë, ishte koha për të ecur para”, thotë burimi.
Sipas të njëjtit burim, këngëtarja ka dashur që lidhja e tyre të merrte përmasa të tjera, pse jo, të krijonin familje së bashku, por duket se aktori nuk ka qenë plotësisht dakord. Asnjëri prej dy personazheve nuk e ka konfirmuar lajmin e ndarjes. Të fotografuar bashkë vetëm në mars, marrëdhënia e tyre u mbajt gjithmonë larg syve kureshtarë.
