Është bërë me dije se Josephine Chaplin, vajza e Charlie Chaplin dhe gruas së tij të katërt, Oona O’Neill, është ndarë nga jeta me 13 korrik në Paris. Aktorja, e cila luajti në filma duke përfshirë: “The Canterbury Tales” të Pier Paolo Pasolini, ishte 74 vjeçe.
Josephine Chaplin ishte e gjashta nga 11 fëmijët e legjendës së humorit. Chaplin lindi në Santa Monica, Kaliforni, në mars të vitit 1949.
Si aktore, ajo luajti në filmin e Menahem Golan-it, i orientuar politikisht, “Escape to the Sun”, me emra si Vittorio De Sica dhe Maurice Ronet në “L’odeur des fauves” me Klaus Kinski dhe në “The Bay Boy” të Daniel Petrie me Liv Ullman dhe Kiefer Sutherland.
Ajo u shfaq për herë të parë në film në moshën tre vjeçare, në “Limelight”, filmi i vitit 1952, ku luante dhe babai i saj. Ajo u shfaq gjithashtu në filmin e tij “A Countess from Hong Kong”, në vitin 1967. Por Chaplin e bëri pjesën më të madhe të punës së saj në filma francezë, mes tyre “Nuits rouges” dhe “À l’ombre d’un été”.
