Ka ndërruar jetë shkrimtarja e librave dhe skenarëve të filmave për fëmijë, Shpresa Vreto.
Autorja e njohur humbi jetën në moshën 76-vjeçare, ndërkohë nuk dihen detaje të tjera.
Vreto njihet si një ndër autoret e skenarit të filmit “Kur xhirohej një film”, të realizuar në vitin 1981. Pas pesë vjetësh ajo realizoi e vetme filmin “Fillim i vështirë”.
Së bashku me Petrit Rukën ka bashkëpunuar në filmin “Një djalë dhe një vajzë” në vitin 1990.
Disa nga librat që ka shkruar Vreto janë: “Shokë Shkolle”, “Vit i paharruar” etj. Pas viteve 1990 ka ideuar “Sirena e vogël” dhe “Bota ime”. Gjithashtu ka drejtuar një bibliotekë për fëmijë, për 12 vjet rresht.
