Vëllai i artistes së mirënjohur Yllka Mujo është ndarë nga jeta në moshën 63-vjeçare.
Agim Mujo ka ndërruar jetë mëngjesin e djeshëm nga një atak kardiak në Romë, ku jetonte që nga viti 1990.
Lajmin e hidhur e ka bërë të ditur ish-bashkëshorti i Yllka Mujos, Gjergj Zaharia nëpërmjet një njoftimi në Facebook
Me hidhërim të thellë ju njoftojmë se sot ndërroi jetë nga një atak kardiak Agim Mujo, vëllai i artistes Yllka Mujo. Në moshë fare të re, Agi luajti në një sërë filmash, midis të cilëve në filmin “Malet në Blerim Mbuluar”. Ai mbaroi studimet për pikturë dhe u shqua për talentin e tij, duke u paraqitur në shumë ekspozita në Itali dhe Francë”-ka shkruar Gjergj Zaharia.
Në komente ai shton se Agimi nuk kishte pasur më herët shenja dhe atalu ka ardhur në mënyrë të papritur.
