Kompozitori i shquar shqiptar, Avni Mula, ka mbyllur sot sytë përgjithmonë në moshën 92-vjeçare.
Ky lajm i hidhur u bë i ditur në Facebook nga vajza e tij, sopranoja e famshme Inva Mula.
“Gjigandi jonë fluturoi në Valsin e Perjetësisë! Për një përshendetje me dorë në zemër, homazhet kryen nesër, 30 tetor, ora 11:00-13:00 në hollin e Universitetit të Arteve, Tiranë. Avni Mula 04.01.1928 – 29.10.2020”, shkruan Inva Mula në Facebook.
Ndër të parat figura publike që ka shprehur ngushëllimet për sopranon dhe familjarët në rrjete sociale është moderatori Ardit Gjebrea.
2Tashmë u bashkuan në qiell!
Dhe unë kthehem në fëmijëri, kur muzika e Tij më dha emocionet e para:
“Kur këndoj për ty moj nënë”
“I ëmbël zëri i gjyshes”
“Për çdo vit në maj”
Sa shumë kujtime Avni Mula – paqe për Ty!
Ngushëllime @invamula”
Baritoni dhe kompozitori i njohur Avni Mula, është vlerësuar dhe nderuar për krijimtarinë që ka sjellë jo vetëm në skenën operistike, por dhe në atë të këngës në festivale të ndryshme.
