Aktori legjendar i Hollywood-it, Kirk Douglas, është ndarë nga jeta në moshën 103-vjeçare, në shtëpinë e tij në Beverly Hills.
Në momentet e fundit të jetës, aktori kishte pranë bashkëshorten e tij Anne Buydens dhe tre djemtë: Michael, Joel dhe Peter.
Ishte djali i tij Michael ai i cili dha lajmin e dhimbshëm për të atin në një status të gjatë në Facebook, shoqëruar me foto të ndryshme të aktorit ndër vite.
“Me një dhimbje të thellë, vëllezërit e mi dhe unë njoftojmë se Kirk Douglas na la sot në moshën 103-vjeçare. Për botën ai ishte një legjendë, një aktor nga epoka e artë e filmave që jetoi mirë në vitet e tij të arta, një humanitar i cili u përkushtua në drejtësi dhe në kauzat që besonte vendosi një standard për ta aspiruar të gjithë ne.
Por për mua dhe vëllezërit e mi Joel dhe Peter ai ishte thjesht babi, për Catherine-n, një vjehrri i mrekullueshëm, për nipërit dhe mbesat e tij gjyshi i tyre i dashur, dhe për gruan e tij Anne, një burrë i mrekullueshëm.
Kirk bëri një jetë të mirë dhe la pas një trashëgimi në film që do të vazhdojë në brezat në vijim, dhe një histori si një filantrop i njohur që punoi për të ndihmuar publikun dhe për të sjellë paqe në planet. Më lejoni të përfundoj me fjalët që i thashë në ditëlindjen e tij të fundit dhe të cilat gjithmonë do të mbesin të vërteta. ‘Babi, të dua shumë dhe jam shumë krenar që jam biri yt’”.
https://www.facebook.com/MichaelDouglasOfficial/posts/2801257449969053?__xts__%5B0%5D=68.ARApPfzDodV7h2z3RVddJL2Ozg-CBH-ItMkrsjc0C3dfrouEcuUvvf3VzfodPwLZpEUYRJSpsLn-bv-2I5BEvsbD12ACHXnLOSF5Qg5f4iE3yIcl19YOrDYVvhvmH9vEDKHBBFsRtA11LT8u2RXw3xoGnDRiSR4P7TJmMp2bVFH2LTqoLSCqiJnu2lx2ayls5jty6_ew794Gqa4HnYYum2umloZvS_IKxHjNG1H8cC-LQeTr-B9KxgeeMBCiMjBakmQXzFUV9IBrBxXV2DzpIwR-5eLbLrvRidTminbOR0L8NVSOgg0kRZ5iiPcANrmvlA7Sw6_pUwTKQFD-GUvg4ZEqFA&__tn__=-R
Kirk Douglas ishte djali i dy emigrantëve rusë, i cili me punën dhe talentin e tij arriti të bëhej një prej aktorëve më të famshëm të Hollywood-it.
Ai ka luajtur në filma si “Spartacus”, “The Vikings”, “Champion” etj.
Douglas u nominua tre herë nga “Oscar” për aktorin më të mirë për filmat ‘Champion’, ‘The Bad and the Beautiful’ dhe ‘Lust for Life’.
