Motra e vetme e ish-kryeministrit Sali Berisha, Hajrie Osmani, është ndarë nga jeta në moshën 76-vjeçare.
Lajmin e hidhur e konfirmoi në Facebook nipi i saj, Shkëlzen Berisha.
“Të dashur miq, me hidhërim njoftoj ndarjen nga jeta rë hallës sime Hajrie Osmani. Zoti i dhëntë paqe dhe shpërblim për gjithë fisnikërinë, mirësinë, virtytin dhe dashurinë që ka sjellë në familjet tona çdo ditë të jetës së saj.”, shkruan Berisha në Facebook, ku ka postuar edhe një foto të rrallë të saj.
Hera e parë që Hajrie Osmani u shfaq në media ishte në 2010-ën, kur dha një intervistë për gazetën “Standard”. Ndër të tjera ajo komentoi edhe marrëdhënien që kishte me të vëllanë, 5 vjet më të vogël. Rrëfeu se ai e thërriste “dadë”, emërtesa që me përkëdheli u jepet motrave në gegërishte.
