Abedin Elmazi një nga themeluesit e Partisë Demokratike, është ndarë nga jeta mbrëmjen e sotme.
Lajmin e ka bërë të ditur kryedemokrati Lulzim Basha, përmes një postimi në Facebook, ku njofton ndarjen nga jeta të Elmazit, si dhe i shpreh ngushëllimet familjes.
Sipas Bashës, Partia Demokratike humbi një themelues të sajin, ndërkohë që dega e Partisë Demokratike të Vlorës humbi një aktivist të pashoq.
“Bir i denjë i komunitetit çam të Vlorës, Abedin Elmazi ishte luftëtar i të drejtave të njeriut dhe themelues i Partisë Demokratike të qytetit bregdetar. Breza të tërë nxënësish mësuan prej profesor Abedinit jo vetëm matematikën, pasionin e tij të madh të rinisë, por edhe etikën, respektin për të vërtetën si dhe qëndresën përballë mekanizmave që përpiqeshin ta zvetënonin njeriun dhe ta shndërronin në një robot të diktaturës”, shkruan Basha mes të tjerash.
I lindur në Filat të Çamërisë, më 1 maj 1940, Abedin Elmazi, ishte deputeti i Partisë Demokratike në dy legjislatura, mësues dhe edukator model i Vlorës.
U prehtë në paqe!
