Aktori i njohur i filmave shqiptarë, Mërkur Bozgo, është ndarë nga jeta në moshën 80-vjeçare. Ai vuante prej kohësh nga një sëmundje e rëndë, që i mori jetën.
Bozgo numëron një numër të madh rolesh në kinematografi dhe teatër. Ai ka lindur në 24 mars të vitit 1937 në qytetin e Gjirokastrës. Në vitin 1961 përfundoi studimet e larta në Degën Gjuhë-Letërsi në Universitetin e Tiranës dhe prej këtij viti filloi punën në Estradën e Tiranës deri në vitin 1968.
Pas këtij viti për 7-të vjet punoi në televizion dhe që prej vitit 1975 ka punuar si aktor në teatrin Popullor (sot Teatri Kombëtar). Në vitin 1994 doli në pension. Në kinematografi roli i tij i parë do të jetë në kinokomedinë televizive “Estrada në ekran” në vitin 1968. Roli më i fundit i aktorit Mërkur Bozgo do jetë ai i hoxhës në filmin “Gjoleka, djali i Abazit” në vitin 2005 perkrah Enxhi Agushi.
Ka interpretuar në disa filma shqiptarë si:
Në fillim të verës (1975), Punëtori që shënon me shenjë arkën me barut
Emblema e dikurëshme (1979), Drejtori i muzeut
Agimet e stinës së madhe (1981), z. Ali
Tela për violinë (1987), Andoni
Stolat në park (1988), Drejtori
Bolero (1997), Klienti i Evelines
Gjoleka, djali i Abazit (2006), Hoxha
Seriliali televiziv Komuna e Parisit, Xha Rakua
Bela TV Serial (2011) Babai
