Bota e artit britanik është në zi. Aktori i njohur David Killick është ndarë nga jeta në moshën 87-vjeçare, pas një sëmundjeje të shkurtër. Lajmin e hidhur e ka konfirmuar agjenti i tij, duke bërë me dije se aktori ndërroi jetë më 4 korrik në Londrën e Veriut.
Killick fitoi zemrat e publikut me rolin e tij si patolog në serialin e famshëm “A Touch of Frost”, përkrah David Jason. Ai u shfaq gjithashtu në sezonin e pestë të “The Crown” në Netflix, si edhe në dhjetëra seri të tjera ikonike britanike si “Midsomer Murders”, “The Bill”, “Lovejoy” dhe më shumë.
Me një karrierë që përfshinte televizionin, radion, teatrin dhe dublimin, Killick do të kujtohet për talentin e tij të rrallë dhe shpirtin e tij të përulur, një figurë e dashur që la gjurmë në çdo skenë ku shkelte.
