Ka ndërruar jetë sot në spital, 38-vjeçari i plagosur dje në zonën e Unazës së Re.
Olsi Lelo u qëllua më thikë nga babai i të dashurës së tij dhe nuk mundi t’u mbijetonte plagëve të marra në organet jetike.
51-vjeçari Rezmi Caushaj ishte kundër lidhjes së tij me vajzën dhe kishte tentuar disa herë t’i ndante. “BalkanWeb” raporton se dje, Caushaj e kishte ftuar 38-vjeçarin në kafe ku edhe e ka qëlluar me thikë.
Dy burrat fillimisht kishin debatuar me njëri-tjetrin dhe më pas 51-vjeçari e kishte qëlluar me thikë 38-vjeçarin.
I plagosuri është dërguar me urgjencë në spitalin e Traumës ndërsa sot ka ndërruar jetë.
