Këngëtari The Weeknd dhe modelja Bella Hadid i kanë dhënë fund lidhjes së tyre. Çifti është ndarë pas 1 vit e gjysmë së bashku, raporton “People”.
“Axhendat e tyre kanë qenë shumë të vështira për t’u koordinuar pasi ai është fokusuar në përfundimin dhe promovimin e albumit të tij”, ka thënë një burim për gazetën. “Ata ende kanë shumë dashuri për njëri-tjetrin dhe do të mbeten miq”. Ndërkohë që artisti 25-vjeçar është i zënë me albumin e tij, modelja 20-vjeçare po përgatitet për të bërë debutimin e saj të parë si modelja e “Victoria’s Secret”. Deri tani ende nuk ka patur konfirmimin nga ana e vet dyshes për këtë ndarje.
Çifti është lidhur në muajin prill 2015 ku Bella ra dakord të pozonte për kopertinën e albumit të muzikantit kanadez “Beauty Behind The Madness”.
Marrëdhënia e Hadid dhe The Weeknd u konfirmua kur ata bënë paraqitjen e parë si çift në tapetin e kuq në Grammys 2016. “Ishte një natë e madhe për të. Ai kishte punuar shumë dhe ia doli shumë mirë atë natë. Si një e dashur, doja të isha me të atje për ta mbështetur. Ta shikoja kaq të gëzuar kur fitoi një Grammy më bëri të lumtur”, u shpreh në verë Bella për “Glamour”.
Burimi: People
