Büşra Develi dhe Burak Deniz janë ndër çiftet më të dashura në Turqi, të cilët prej më shumë se tre vitesh bënë publike për fansat historinë e tyre të dashurisë.
Mirëpo mediat shkruajnë se çifti i aktorëve turk janë në prag të ndarjes, pas konflikteve në sheshxhirimet e filmit “Arada”. Lajmet u konfirmuan edhe më shumë kur aktorja Büşra Develi fshiu të gjitha fotot ku shfaqej me partnerin e saj Burak Deniz, nga profili i saj në “Instagram”, shkruan “Haber turk”.
Sakaq, aktori turk është shqetësuar nga lajmet e publikuara dhe kërkon nga mediat të merren me lajme më të rëndësishme sesa jeta e tij private.
“Miqtë e mi, njerëzit flasin sikur e dinë të vërtetën. Ju lutem, merruni me çështje më të rëndësishme” – shkruan Burak Deniz në profilin e tij në “Twitter”.
Pak muaj më parë, Busra dhe Burak publikuan filmin e tyre të parë së bashku “Arada”. Mirëpo sipas mediave turke, vëmëndja që i është kushtuar aktorit turk, ka irritur partneren e tij, duke shkaktuar debate mes tyre.
