Parisi përfundimisht mund të njihet edhe si vendi i grabitjes së të famshmëve. Pas ngjarjes dramatike që i ndodhi vitin e kaluar Kim Kardashian, supermodelja Naomi Campbell zbuloi se edhe ajo është sulmuar nga disa burra të maskuar në Paris, të cilët e kishin kërcënuar se do e vrisnin.
46-vjeçarja ka rikujtuar këtë incident, i cili ka ndodhur në 2012, në një intervistë të dhënë së fundmi.
“Ata më ndoqën që nga aeroporti. Më sulmuan. Më hapën derën e makinës dhe më thanë: “Naomi Campbell, do të vrasim”.
Supermodelja kujton se kishte ikur në Paris për të takuar dizajnuesin e modës, Azzedine Alaïa. Në ato momente mendoi: “Do t’i lejoj që të më marrin çantën me të gjitha dokumentet e mia apo do të luftoj për të?”. Në fraksionin e sekondës ajo ka marrë vendimin për të luftuar sulmuesit.
Ajo ka shtuar më tej se dyshon që grupi i kriminelëve që tentuan ta grabisnin, mund të kenë qenë të njëjtët që kanë sulmuar Kim Kardashian.
Burimi: Daily Mail
