Ajo iu rikthye jetës normale pas 3 muajsh mungesë, si pasojë e grabitjes së tmerrshme në Paris. Kim Kardashian iu rikthye rrjeteve sociale më 4 janar, ndërsa mirëpriti Vitin e Ri me një “selfie” së bashku me nënën e saj Kris Jenner në “Snapchat”.
“Fotografia e parë e 2017-s me nënën time”, shkroi bashkangjitur fotos. Ditën e nesërme Kim publikoi më shumë foto dhe video familjare.
Ndërkohë që Kim po përpiqet të harrojë incidentin e tmerrshëm, tashmë 36-vjeçarja ka zbuluar se sëmundja e “psoriasis” po përhapet në fytyrën e saj, një sëmundje që shkakton tharje të lëkurës dhe kruaje. Kim ka informuar të gjithë fansat dhe ndjekësit se ajo është e trishtuar pasi po vuan nga përkeqësimi i lëkurës në fytyrë.
“Prit, po mua pse po më përhapet “psoriasis” në fytyrë?”, shkroi Kim në rrjetin social “Twitter” bashkangjitur të cili ka vendosur edhe një ikonë që qan.
“Po shpresoj për një kurë sigurisht por ndërkohë po mësohem ta pranoj se është pjesë e imja”, shton më tej.
Burimi: Daily Mail
