Naomi Campbell ka treguar se nuk flet me ish-të dashurin e saj, reperin Skepta.
Supermodelja, 50 vjeçare, pati një romancë me artistin e njohur, 37 vjeç, në vitin 2018, megjithëse ata kurrë nuk e konfirmuan publikisht lidhjen e tyre.
Së fundi ajo është shprehur se ruan një marrëdhënie të mirë me të gjithë ish-të dashurit e saj të mëparshëm, por jo me të fundit.
Duke folur për revistën Times Weekend, Naomi tregoi se ajo ende takohet me ish-partnerët Mike Tyson dhe Robert DeNiro, por nuk mund të thotë të njëjtën gjë për ish-in e saj më të fundit.
E pyetur se me kë ka qenë e lidhur, ajo u shpreh: “Pse nuk pyesni të kundërtën? Me siguri ka qenë privilegji i tyre po aq sa i imi të jem me ta? Por po, kam pasur disa periudha të egra dhe emocionuese derisa ndryshova jetën në moshën 29 vjeçare”.
“Çfarëdo që të thonë ata, unë kam mbetur shoqe me të gjithë ish-të dashurit, përveç këtij të fundit”, vijon Naomi.
E pyetur nëse bëhej fjalë për Skepta-n, Naomi u përgjigj se një zonjë nuk i bën kurrë publike gjërat e saj private.
Modelja vazhdoi të shpjegojë se ajo mendon se është një humbje kohe të largosh njerëz nga jeta jote, pasi lidhja me ta përfundon.
Por ajo nuk mund të thotë të njëjtën gjë për partnerin e fundit. Naomi dhe Skepta raportohej se ishin të lidhur për pesë muaj në vitin 2018, madje reperi thuhet se e ka përmendur atë në këngën Interlude, ku pretendon se ajo kishte veshur të brendshme seksi gjatë një video call-i.
