Një ditë më parë u përhap lajmi se çifti, Naomi Campbell dhe Liam Payne i kishin dhënë fund lidhjes së tyre të shumëpërfolur.
Romanca e këngëtarit me modelen 23 vite më të madhe thuhet se ka mbaruar në mesin e pretendimeve se Naomi u mërzit me marrëdhënien e tyre, dhe vendosi që t’i lërë gjërat të përfundonin në mënyrë miqësore.
Por Liam Payne duket se nuk u mërzit shumë nga kjo ngjarje pasi është fotorgafuar për herë të parë në publik pas ndarjes, nën shoqërinë e një vajze misterioze.
Ylli i One Direction, 25 vjeç, u bashkua me një bukuroshe brune, në Festivalin e Muzikës dhe Arteve, Coachella në Kaliforni të dielën mbrëma.
I veshur casual me një palë pantallona të shkurtra bardhezi dhe një T shirt të bardhë, Liam udhëhoqi vajzën drejt seksionit privat nga ku do të ndiqnin festivalin.
Naomi dhe Liam do të “qëndrojnë miq” pasi sipas një burimi pranë dyshes, mes tyre nuk ka mëri.
Një burim tha për “The Mirror”: “Liam dhe Naomi argëtoheshin së bashku, ata ia kalonin mirë por thjesht nuk ishte e shkruar”.
“Ata do të qëndrojnë miq, nuk ka mëri nga asnjëri prej tyre”.
Modelja angleze është përfolur për lidhjen me këngëtarin 23 vite më të vogël, që prej momentit kur ai i la një koment në Instagram.
