Sot në Tiranë do të ketë spektakël, për të gjithë të pasionuarit pas makinave luksoze. Kryeministri Edi Rama ka njoftuar se në Tiranë, do të mbërrijnë 150 makina superluksoze , që do të qëndrojnë deri nesër paradite.
Karvani i famshëm i supermakinave GUMBALL 3000, nga Riga në Mykonos 2017, kalon nëpër Shqipëri dhe ndalon sot në kryeqytetin tonë , në sheshin “Nënë Tereza”, ku do të ketë edhe muzikë:
“Pas shumë përpjekjesh të finalizuara vitin e shkuar, për promovimin e Shqipërisë Turistike, karvani i famshëm i supermakinave GUMBALL 3000, nga Riga në Mykonos 2017, kalon nëpër Shqipëri dhe ndalon sot në kryeqytetin tonë✌️ Prej orës 17:00 në sheshin Nënë Tereza, nis festa në pritje të karvanit. 150 supermakinat luksoze të drejtuara nga persona VIP të artit, muzikës, biznesit, pritet të mbërrijnë në orën 19:00 e do të qëndrojnë deri nesër paradite. DJ me famë botërore Afrojack është pjesë e karvanit dhe pritet të ketë një performancë surprizë në mesnatë? Bashkëlidhur një moment ndalese i karvanit GUMBALL 3000 në Dubrovnik”.
