Nuk duam të jemi ne që po ju japim lajmin e keq, por diçka nuk shkon me çiftin Dua Lipa-Isaak Carew.
Ky i fundit jo vetëm që nuk e ndjek më këngëtaren në Instagram, por nuk i ka bërë like as fotot e fundit dhe fansat e saj janë bërë merak. Herën e fundit që shefi i njohur i kuzhinës nuk e ndiqte Duan në rrjetin social, ishte kur u ndanë.
Çuditërisht Dua e ndjek dhe ka çdo foto me partnerin e saj në Instagram. Nuk e dimë nëse kjo gjë mund të përkthehet në ndarje për çiftin e famshëm, të cilët u shfaqen për herë të fundit bashkë në publik në tapetin e kuq të Met Gala.
Megjithatë, për të mos na i shuar të gjitha shpresat, Isaac i ka fotot me Duan që bënë bashkë në tapetin e kuq dhe kjo na jep një fije shprese se marrëdhënia e tyre mund të jetë në rregull.
