Prej 4 ditësh, në vendin tonë ka nisur marrja e masave për Koronavirusin, pas identifikimit të dy personave të parë të prekur nga virusi i rrezikshëm mesnatën e së dielës. Pas vendimit për mbylljen e shkollave, pezullimit të udhëtimeve me Italinë dhe së fundmi mbylljen e bizneseve si bare, restorante, club-e e shumë biznese të tjera, qytetarëve u është kërkuar të qëndrojnë në shtëpi, masa këto mëse normale në një situatë të tillë, që janë zbatuar dhe në vende të tjera ku ka nisur përhapja e virusit. Por ndryshe nga këto vende, qeveria shqiptare ka harruar një detaj të rëndësishëm: shpenzimet për familjet e bizneset shqiptare vijojnë si zakonisht. Një gjë e tillë të çon në një pyetje të natyrshme: Si do ia dalim deri në fund të kësaj epidemie?
Kësaj pyetjeje për fatin tonë të mirë, i kanë dhënë përgjigje më parë vendet si Italia. Në një dekret për të shpëtuar ekonominë, qeveria vendosi pezullimin e pagesave për taksat për individët dhe bizneset që kanë ndaluar aktivitetin, pezullimin e pagesave të kredive si dhe të faturave të energjisë, elektrike, ujit dhe gazit. Një manovër ekonomike kjo e identifikuar si e domosdoshme për të mos çuar vendin drejt një kolapsi të plotë ekonomik. Por ndonëse qeveria shqiptare ka pasur më shumë se dy javë në dispozicion për të parë zhvillimet në shtetin fqinj, ende nuk la asnjë shenjë në horizont për lehtësirat fiskale që duhet t’i mundësohen bizneseve e familjeve që aktualisht vetëm japin, por nuk marrin asgjë!
Na thanë të mbyllemi në shtëpi, po paratë?!
Lajme Të lidhura
Te fundit
Shkarko Snapfood dhe fito 10% ulje në porosinë e parë
