Më datën 14 të muajit janar, Miriam Cani dhe Alban Skënderaj u bënë prindër për herë të dytë.
Çifti u bekua me një djalë, të cilin e pagëzuan me emrin super të veçantë, Duam.
Emri i të voglit vjen nga kënga e tyre e dashurisë, e cila mban titullin “Duamë”.
Megjithëse ende nuk e kanë ndarë portretin e të voglit me ndjekësit e tyre në rrjete sociale, Albani dhe Miriami ndajnë herë pas here momente të ëmbla me të birin.
Sot, vajza e tyre e madhe, Ameli, ka realizuar shëtitjen e parë me të vëllain.
Miriam ka ndarë në InstaStory një foto të adhurueshme të Amelisë, e cila po shëtit të voglin me karrocë.
“Shëtitja e parë motër e vëlla”- shkruan këngëtarja krahas fotos ku Ameli shfaqet duke e parë plot dashuri të vëllain.
Pas lindjes së Duam, Miriam i është përkushtuar tërësisht të voglit dhe ende nuk dihet kur do të kemi sërish ndonjë projekt të ri nga këngëtarja.
